झाडे जंगले तोडून तोडून ऑक्सजन संपवला
त्याच मिळालेल्या पैशाने तोच ऑक्सिजन बाटलीत भरला
गर्वाने फुगला माणूस स्वार्थाशिवाय काही दिसेना
प्राणी करतात मुक्त संचार आणि माणसांना घरात करमेना
तोंड दाखवायला जागा उरली नाही
आता तोंड झाकून फिरावं लागतं
जे जे कर्म करावे ते ते
याच जन्मी भोगाव लागतं
गळे घोटले निसर्गाचे श्वास घेता येईना
पिंजऱ्यात बसले पक्षी स्वतःहून बाहेर पडता येईना